--Ads--
Naaddaan manen iti explosive eruption wenno panagalburuto ti Bulkang Kanlaon iti Negros Island.
Agdama daytoy a mangir-iruar iti napuskol nga asok wenno ash plume.
Namonitor ti PHIVOLCS ti panagbettak itay alas kuatro kwarenta y dos iti malem.
Agtultuloy a bambantayan ti ahensia ti aktibidad ti bulkan nga ita ket naibayog iti Alert Level 2.
-- ADVERTISEMENT --
Binalakadan ti ahensia ti amin nga agtalinaed a kalmado, suroten dagiti lokal nga otoridad ken dumngeg laeng kadagiti official advisory.
