VIGAN CITY- Maiyuray laengen iti Implementing Rules and Regulation ti Republic Act 11202 wennu Mobile Phone Portability Act sakbay a maipatungpal ngem patta-pattaen ni House committee on communication and information technology Rep. Victor Yap a sakbay ti eleksyon ket maipatungpalen ti baro a linteg.
Segun ken ni Yap, ti pannakiuman ti Bombo Radyo Vigan, babaen ti nasao a linteg ket saanen nga agdanag dagiti tattao a saan a matawagan wennu matextsan ida dagiti am-ammo da ta ti cellphone number nga iggem da ket saanen a masukatan nu la ketdi kayat da a pagtalinaeden.
Innayon na a ti nasao a linteg ket awanen iti interconnection rates nu tumawag iti sabali a network nga isu iti maysa kadagiti reklamo dagiti costumer.
Ammon dagiti telco ditoy pagilian nga ammon dagiti tattao nu anya dagiti pagkapuyan da nga isu iti kanayon da nga irekreklamo kas iti nabuntog nga internet connection ken dadduma pay isu nga immanamong dagiti telco iti nasao a linteg.
