--Ads--
Temporario nga inikkat ti Metropolitan Manila Development Authority kadagiti clearing operations ni MMDA Special Operations Group-Task Force Road Clearing (SOG-TFRC) chief Gabriel Go, kabayatan a maisaysayangkat ti imbestigasion mainaig ti maipagarup a pannakairaman na iti maysa a viral video.
Pinasingkedan ti ahensia a nakadanonen kadakuada ti agwarwaras a video a pakairamramanan ni Go.
Ti nadakamat a video ket adda pakainaiganna iti addang ti panagsitar na iti maysa a lalaki a mangisursuro nga agmanmaneho ti motorsiklo nga awan ti suot na a helmet.
Impaganetget ti MMDA a nagisayangkat dan ti pormal nga imbestigasion tapno maammuan no adda basol ni Go iti napasamak.
-- ADVERTISEMENT --
