Nakasagana ti Metropolitan Manila Development Authority (MMDA) a mangted ti seguridad iti publiko ken agbalin a na-annayas ti taray iti trapiko iti mapasamak a maikatlo a Trillion Peso March inton February 25.
Insayangkat ti MMDA ti walk-through kadagiti lugar a pakasamakan iti kilos protesta.
Segun ken ni MMDA General Manager Usec. Nicolas Torre III, trabahoda a siguradoen a madalanan dagiti kangrunaan a kalsada bayat ti pannakaisayangkat ti protesta.
Nakikammayetda iti Quezon City Government ken dadduma nga ahensya para iti nasao nga aktibidad.
Agdeployda pay kadagiti enforcers a pakaipatungpalan iti re-routing tapno nasayaat iti taray ti trapiko.
Mangipanda pay kadagiti ambulansya, tow trucks, dump trucks, ken dagiti portalets iti dadduma a lugar.
