Maysa nga mixed martial arts player manipud Ilocos Sur ti naituding a mangibagi iti pagilian iti prestihioso a 2025 International Mixed Martial Arts Federation (IMMAF) Youth World Championships idiay Abu Dhabi inton July 20-27, 2025.
Ni John Michael Tabunot ket agtawen iti sangapulo ket pito, taga-Raois, Vigan City ket damona a sumali iti nasao a world sporting event.
Iti pannaki-uman ti Bombo Radyo Vigan ken ni Leo Obiena, Head Coach/Club President ti Wild Dogs MMA, adu ti bilang dagiti nagtry out idi Hunyo iti salinong ti Philippine Mixed Martial Arts Federation ngem ni Tabunot ti napili.
Naituding pay koma ti panagturongna ni Tabunoc idiay Bahrain para iti Asian Youth MMA Qualifiers ngem gapu iti riribuk ket nakanselar ti flight.
Nupay kasta, naikkan latta met iti gundaway nga ipakita iti laingna iti nasao a world competition idiay Abu Dhabi a pakisalian ti uppat a pulo ket lima a pagilian ken iti agdama ket adda 1,045 ti registered competitors.
Kalpasan daytoy a kompetisyon, sumaruno met a sumalian ni Tabunoc inton Oktubre ti Asian Youth Championship para iti Asian Games.
