VIGAN CITY – Kaso a robbery iti nakakemmegan ni Fred Toldican nga agtawen ti tallo pulo ket tallo, naasawaan nga agnaed idiay Barangay Purok 20, San Carlos Heights, Baguio City idi ala una iti malem idi kalman, January 13.
Ti pannakakemmeg ti suspek ket babaen iti panangidaulo ti Criminal Investigation and Detection Group – Ilocos Sur provincial field unit, Galimuyod municipal police station, Ilocos Sur Police Provincial Office, Station 7, City Mobile Force Company, Baguio City Police Office, Besao municipal police station ken Police Regional Office- Cordillera nga ikot da iti warran of arrest ti suspek a napetsaan idi December 2, 2019.
Ti nasao a warrant of arrest ket inparuwar ni Judge Marita Bernales Balloguing ti Regional Trial Court, First Judicial Region, Branch 20, Vigan City.
Ti suspek ket miyembro ti Toldican Group a konektado iti panagtakawan ditoy probinsiya.
