Miyembro ti LGBT a mapukpukaw idiay Suyo, saan pay a nasapulan dagiti kameng ti pamilya na

VIGAN CITY – Saan pay laeng a nakaawid iti pagtaenganda ni Reynaldo Aluad alyas Bae, 5’4 ti katayagna, agtawen ti lima pulo ket uppat nga agnaed idiay Brgy. Baringcucurong, Suyo a naireport a mapukpukaw idi alas onse disisais iti bigat idi kalman, February 6.

Ti pannaki-uman ti Bombo Radyo Vigan ken ni Police Lt. Danilo Quiocho, mangidaulo ti Suyo municipal police station, inpakaammo kadakuada ni Olympia Pascua Aluad, agtawen ti uppat a pulo ket pito a mapukpukaw ti kabsatna.

February 3 idi pimmanaw iti pagtaengan da ti biktima ket nakita da nga agpagna-pagna iti kalsada iti lugar da.

Mapapati a napan idiay Cervantes ni Reynaldo  ta nagpadaya a direksyon a nakabado ti nalabaga a Tshirt ken short pants.