Insayangkat ti Iran ti maysa a missile attack iti Al Udeid Air Base idiay Qatar kas tignay iti panagbomba iti Amerika kadagiti nuclear facilities-da idi weekend.
Agsasaruno iti panagbettak ti nangngeg iti siudad ti Doha.
Innem a missile ti naipabanto iti Iran kas kikuna ti Israeli official.
Immunan a nagsarra ti Qatar iti airspace-da gapu iti tensyon iti Israel ken Iran a ti kayatna a sawen ket maiparit iti sumrek iti airspace ti aniaman nga aircraft.
Simmaruno a nagsarra ti airspace iti United Arab Emirates ken Bahrain kalpasan ti missile strike iti Iran kadagiti base military iti Amerika idiay Qatar.
Mapapati nga impakada ti Iran idiay Qatar ti panangirusatda iti atake iti base military iti Amerika idiay Doha isu a nagpasarra iti airspace-da.
Kabayatanna, awan ti nadangran wenno nairekord a natay iti panagtakate ta nalapdan nga insigida iti nasao a pagilian.
Iti pannaki-uman ti Bombo Radyo Vigan ken ni Bombo International News Correspondent Mary Joyce Alconcel nga adda idiay Doha, Qatar, nagbuteng iti naimatanganna a panagpabanto ta umuna a gundawayna a nakakita iti missile attack.
Segun ken ni Alconcel, uray dagiti amongna ket arigna saan a naturog a nagpatpatnag ta amangan nu mapasarunwan iti panagatake.
Kinunana a napasamak iti panagatake iti nagbaetan iti alas sais agingga alas syste iti rabii (oras idiay Doha).
