VIGAN CITY – Napili a hurado da Miss Universe 2021 ti Top 5 finalist Beatrice Luigi Gomez ken ni Miss Universe PH-2020 Rabiya Mateo para iti Saniata ti Ylocos 2022 beauty pageant a maaramid iti Quirino Stadium, Bantay, Ilocos Sur.
Pormalen a nalukatan ti maysa kadagiti kadakkelan ken mapaspasungadan a selebrasyon ti Ilocos Sur nga indaulwan ni Governor Ryan Singson babaen ti pannakaisayangkat ti seremonya ken nadumaduma nga aktibidad iti Kannawidan Grounds, Tamag, Vigan City a pakairamanan ti panaglukat ti food and trade fair, misa, dancing fountain ken fireworks display.
Segun ken ni Gov. Ryan Singson, maragsakan a natuloy met laeng ti selebrasyon ngem kiniddawna kadagiti mapan iti venue a sumurot kadagiti maipatpatungpal a health and safety protocol tapno maliklikan ti panagiinnakar.
Kabayatanna, dagiti laeng nabakunaan nga umili ti mabalin a makapan kadagiti venue ken maiparit dagiti ubbing.
