Natay ti maysa a miembro ti LGBTQ community nga adda rangkapna iti panagdenggeg ta nabagkong iti namin-sangapulo ket tallo a daras babaen ti maysa a lalaki idiay Lipa, Batangas.
Ti biktima a ni Jericho Elliorate, agtawen iti duapulo ket lima ket nangabak a Miss Gay 2025 iti barangayda idiay Tanauan.
Iti imbestigasyon dagiti otoridad, ti biktima ket bimmaba iti maysa a tricycle kadua ti maysa a lalaki idin napasamak iti pammagkong ket kalpasanna innala ti suspek ti wallet ti biktima.
Inamin ti suspek a naaramidna iti krimen ta nasuron isuna iti biktima ta apaprusanna bayat nga addada iti tricycle iti baet a saanda nga agam-ammo ken inawisna pay daytoy a mapan idiay Barangay Lipa.
Patien met ti pamilia ti biktima a holdap iti gagara ti suspek ta iti baet nga LGBTQ member ti biktima ket sensitibo iti aglawlawna.
