VIGAN CITY – Nakoronaan ni Miss Bulanos Ciara Mae Cadano a Miss Narvacan 2022 ken Best in Evening Gown iti naisayangkat a beauty pageant iti Narvacan Farmers Market a nagbabalubalan ti tallopulo ket uppat a kandidata manipud iti nadumaduma a barangay ti ili.
Immawat ni Cadano iti PHP50,000 a premio; PHP40,000 ni Miss Tourism Shaina Hortaleza a nangibagi iti San Antonio; ken PHP30,000 ni Miss Culture and Heritage Rouiza Velasco a nangibagi iti San Jose.
1st Runner up ni Louella Dominguez manipud iti Nanguneg nga immawat iti PHP20,000 idinto a ti 2nd runner up a ni Terelyn Jade de Guzman manipud iti Marozo ket immawat iti PHP10,000.
Kabayatanna, Miss Photogenic ni Rouiza Velasco; Miss friendship ni de Guzman; Best in Production Number ni Jonalyn Galit manipud iti Paratong; Miss Social Media ni Asha Marie Melendez manipud iti Cagayungan; Best in Swimwear ken Couturier’s Choice ni Hortaleza manipud iti San Antonio; Best in Abel Iloco Fashion ni Dominguez iti Nanguneg ken Fhrancess Cabuslay iti San Pablo.
