VIGAN CITY – Agpada a natay dagiti agasawa a nagriri idiay Barangay San Pedro Sur, Vigan City, Ilocos Sur ta pinaltogan ti mister ti misisna sana insaruno iti bukodna a bagi itay alas otso kinse iti rabii (December 19, 2023).
Ti biktima ket nabigbig a ni Esperanza Manicar Reyes, naasawaan, overseas Filipino worker a tubo idiay Barangay IX, Vigan City ngem agdama nga agnanaed idiay Barangay San Pedro Sur, Vigan City idinto a ti asawana a suspek ket ni Glemar Valoroso Reyes, agtawen iti duapulo ket innem, naasawaan, tubo idiay Barangay Kuinamantirisan, San Ildefonso ngem agnanaed iti agdama idiay Barangay San Pedro, Vigan City.
Segun ti Vigan City Police Station, kinuna ti karrubada a ni Gerald Jimenez, nagriri dagiti agasawa gapu iti imon idin narurod ti suspek ket innalana ti paltogna ket pinaputokanna iti namin-ano a daras ti asawana a nakatamaan iti agduduma a paset ti bagina sa na insaruno ti suspek a pinaltogan ti ulona.
Naipan ti biktima iti Ilocos Sur Provincial Hospital – Gabriela Silang ngem naideklarar a dead on arrival idinto a naideklarar a dead on the spot ti suspek.
