Inaprubaranen ti National Wages and Productivity Commission ti nayon a minimum wage earner para kadagiti mangmangged iti Western Visayas ken Ilocos.
Babaen iti bileg ti baro a wage order iti Western Visayas, agbalin a P550 ti inaldaw a minimum wage para kadagiti pribado a kompania nga adda nasurok 10 nga empleadoda, idinto a P525 met para kadagiti adda sangapulo wenno basbassit nga empleadona.
Iti sektor ti agrikultura, naingato iti daily wage iti P520, idinto a P6,500 ti binulan a sueldo dagiti agtagibalay.
Kabayatanna, iti Ilocos, agbalin a P505 ti inaldaw a minimum wage para kadagiti pribado a kompania nga adda nasuok sangapulo nga empleadona, ken P480 para kadagiti sangapulo agpababa, agraman dagiti adda iti sektor ti agrikultura.
Naingato pay iti P6,700 ti binulan a sueldo para kadagiti agtagibalay iti rehion.
Epektibo ti nayon a sueldo mangrugi inton November 19.
