DENR- ILOCOS SUR OFFICIALS AND EMPLOYEES 
VOLUNTEER STUDENTS NA ENVIRONMENTAL ADVOCATE
VIGAN CITY – Nagrally da Sangguniang Panlalawigan Member Christopher Baterina ken dagiti volunteer students iti sangwanan ti opisina ti Department of Environment and Natural Resources kas panangipeksa da iti kalikagum da a maipatungpal a naimbag dagiti pagannurutan inaig iti panangsalwad iti aglawlaw.
Nakabitbit iti plakard dagiti volunteer students a nakaisuratan iti kalikagum da nga ipatungpal ti DENR iti nasayaat a pannakaidalimanek dagiti rugit ken pannakaipatungpal dagiti naduma-duma nga environmental law tapnu masalakniban iti aglawlaw ken maliklikan iti polusyon.
Malaksid iti dayta, amin a rugit a naurnong da Baterina ken dagiti kakadua na a volunteer students a napan nagdalus idiay Mt. Tupira idi naminsan nga aldaw ket inbati da pay iti sangwanan ti opisina ti DENR idiay ili ti Bantay.
Ti Mt. Tupira ket maysa a DENR Protected Area ngem nagado a basura ti naala da idi napan da nag-clean- up drive iti nasao a lugar.
Agsipud iti dayta, kiniddaw met ni DENR- Ilocos Sur head Rosemarie Jornacion iti panagtitinnulong dagiti amin a maseknan tapnu masalakniban iti aglawlaw ta saan laeng nga isuda iti masapul nga agtignay inaig iti nasao a banag.
