Natukbob ti mini dump truck ti maysa a pickup iti national highway idiay Barangay San Antonio, Narvacan, Ilocos Sur idi kalman, August 4, 2026.
Ti nagmaneho iti Toyota Hilux ket lalaki nga agtawen iti duapulo ket dua, baro, mekaniko, holder iti driver’s license nga agnaed idiay Barangay Sevilla, Sta. Cruz.
Ti met nagmaneho iti Isuzu Mini Dump Trump ket lalaki nga agtawen iti duapulo ket walo, baro, driver, holder iti driver’s license ken agnaed idiay Barangay Casilagan, Narvacan.
Sakbay iti aksidente, agpada nga agpapabagatan a direksyon dagiti dua a lugan a ti akin-sango ket ti pickup.
Idi nadanonda iti nasao a lugar kangrunaan iti sango ti Farmers Market idiay Barangay San Antonio, Narvacan, sakbay ti traffic signal nagin-innayad ti pickup gapu iti red traffic light, ngem saan a napansin ti dump truck a gappuanan ti pannakatukbobna.
Gapu dayta ket agpada nga adda damage dagiti dua a lugan ngem saan pay nga ammo no mano ti gatad iti nadadael a paset.
