Umawat iti nayon a P1,000 honorarium dagiti miembro ti Electoral Boards a nagserbi idi May 12 midterm elections.
Segun ken ni Comelec Chairperson George Garcia, pormal a kiniddawna iti Department of Budget and Management a maited ti nayon, tax-free compensation kadagiti poll worker kas pannakikaysa iti dedikasyonda a nagserbi.
Inyendorso ti DBM ti pannakairuar ti P758,459,000 para iti nayon a kompensasyon, a dagus met nga inaprubaran ti Office of the President.
Nagyaman ni Garcia iti Office of the President ta alisto a natignayan ti kiddaw ti Comelec ken sakbay ti aldaw ti eleksyon, naingato ti honoraria para kadagiti miembro ti electoral board.
Ti sueldo ti EB chairperson ket nagbalinen a P12,000 manipud iti dati a P10,000, idinto a dagiti poll clerk ken maikatlo a miembro ti board compensation ket nagbalinen nga P11,000 manipud iti P9,0000.
