--Ads--
Binisita dagiti miembro ti College of Cardinals ti nakaitaneman ti pimmusay a lider ti Simbaan a Katolika a ni Santo Papa Francisco idiay St. Mary Major Basilica a nalukatan iti publiko iti agsapa idi kalman.
Kinararagan dagiti Cardinal ti nakaitaneman ni Pope Francis ket kalpasanna, nagkakaduada idiay basilica para iti evening prayer wenno Second Vespers nga indaulwan ni Coadjutor Archpriest ti Basilica a ni Lithuanian Cardinal Roland Makrickas.
Nakikaysa pay ti grupo dagiti agpammati iti evening prayer idinto a ti sabali ket pinadayawanda met ti pimmusay a Santo Papa.
Mapatta-patta a 20,000 dagiti bimmisita idi kalman iti tanem ti Santo Papa.
-- ADVERTISEMENT --
