--Ads--
VIGAN CITY – Mapapati a nagpakamatay idiay 71st IB, 7ID PA Detachment Sitio Arnap, Balidbid, Salcedo ni Cpl. Patrick Soriano, agtawen iti tallopulo, miembro ti Philippine Army a taga-Mawab, Davao City.
Ti biktima ket nagsagaba iti tama ti paltog ti ulona a naipaagas iti ospital ngem naideklarar a dead on arrival.
Nupay kasta, nakikammayet ti Salcedo Municipal Police Station iti Forensic Unit, Candon City para iti pannakaiproseso ti pasamak ken kasta metten ti pannakaidalan iti ballistic examination ti narekobre nga armas.
Iti agdama, agtultuloy ti pannaka-imbestigar no ania ti rason iti panagpakamatay ti biktima.
-- ADVERTISEMENT --
