--Ads--
VIGAN CITY — Dukduktalen dagiti otoridad ti Villaviciosa, Abra PNP ti motibo iti pannakapapatay ti maysa a miembro iti Iglesia ni Cristo idiay Barangay Tuquib a ni Jonathan Salimbay Lagen , agtawen iti 31, adda asawana, Casual Government Employee ken agnaed iti nasao a lugar.
Segun iti imbestigasyon, napan ni Jonathan kadduana da Jojo Lallita, Jay Lagen ken Adelyn Lagen iti taltalon tapno agbangon da iti pugon ti tabako ngem nagsubli iti pagtaengan da a mangala koma iti nayon nga usaren iti panagbangonda.
Ngem saanen a nakasubli ti biktima ket nasarakan ti kabsat na a ni Isagani a nakadasay iti kalsada a daradara gapu iti pannakapaltog ti barukong na.
