Mexican mayor, naikasar iti buwaya

Maibilang a pakasaritaan ti ritwal a napasamak idiay San Pedro Huamelula ta naikasar ni Mayor Daniel Gutierrez iti maysa a caiman wenno klase ti buwaya kas paset iti tinawen a tradisyon.

Ti buwaya ket ipasimudaagna ti prinsesa ti Huave, maysa nga etniko a grupo.

Daytoy a kasar ket saan a literal no di ket ritwal nga adda nauneg a kaipapananna, kas iti koneksyon ti tao, kultura, ken aglawlaw.

Maysa a napateg a paset ti kultura ken pammatida nga adda ti mayat a supapak ti aglawlaw iti pagbiagan ken ti pagnanaedanda a lugar.