Simmungbat ti Meta iti Department of Information and Communications Technology ken Presidential Communications Office mainaig iti report ti gobierno iti mapapati a panagwaras latta ti fake news iti baet ti krisis iti langis.
Bigbigen ti Meta dagiti parikut ti gobierno, kangrunaan iti patangan ti public order ken economic stability.
Segun iti kompania, dakkel ti investment-da iti panangsango kadagiti content-related issues, agraman dagiti rinibo nga empleado ken binilion a dolyar a nailatang para iti safety ken security systems.
Impaganetget ti Meta a nainget ti panangipatungpalda iti Community Standards kadagiti amin a platapormada.
Nadakamat pay ti kompania ti Remove, Reduce, and Inform framework a dagiti aglablabsing iti content ket maikkat, makissayan ti panagwaras dagiti problematic post, ken maikkan iti nayon a konteksto dagiti user.
