--Ads--
VIGAN CITY – Maysa a menor de edad ti nadunor gapu iti panangtagbat kenkuana ti amana iti Barangay Luba, Sta. Lucia.
Nabigbig ti suspek a ni Gerardo Hufemia Santos, agtawen iti uppat a pulo ket maysa, karpentero, agnaed iti nasao met laeng a lugar.
Naggapu iti trabahona ti suspek a nakainom ken manarimaan iti panangrabiinan idin ta idi mapan met mangan ti putotna, tinagbatna daytoy iti namin ano a daras a nagsagabaan ti biktima iti dunor iti abagana.
Naipaagas ti biktima iti Ilocos Sur District Hospital-Sta. Lucia para iti pannakatamingna idinto a nakemmeg met ti suspek babaen kadagiti nagresponde a pannakabagi ti linteg.
-- ADVERTISEMENT --
