VIGAN CITY – Nagsinnagid ti maysa a Foton van ken XRM a motorsiklo a nakatayan ti maysa a menor de edad idiay Magsaysay District, Santa.
Segun kenni P/Capt. Samuel Reyes, hepe ti Santa Municipal Police Station, nbigbig ti nagmaneho ti motorsiklo a ni Santos Lazaro, agtawen tallo pulo ket innem, naasawaan ken ti kinalubbonna a menor de edad nga agtawen ti sangapulo ket uppat nga agpada nga agnaed idiay Barangay Kal-litong, Burgos ken ti nagmaneho iti Foton a ni Danilo Adres, agtawen ti lima pulo, naasawaan nga agnaed idiay Barangay Canan, Lapaz, Abra.
Agpada nga agpapaabagatan iti motorsiklo ken Foton van ket sar-sarunwen da ti maysa a truck idi naggiddan a nagovertake ti motorsiklo ken foton van.
Agsipud iti dayta, nasagid ti foton iti nakamotorsiklo a nakadunuran iti naduma-duma a paset iti bagi ni Lazaro idinto a dunor met iti ulo iti sinagaba ti menor de edad a kinalubbonna uray nu nakahelmet a poon iti nakatayan na.
