Menor de edad, natay iti aksidente iti ili ti San Juan

VIGAN CITY – Dead on arrival ti maysa a menor de edad a naaksidente idiay Barangay Guimod Sur, San Juan.

Nabigbig ti menor de edad a ni Dennis Tabil Bornales, agtawen iti sangapulo ket pito, agnaed iti Barangay Lapting, San Juan.

Agpapa-amianan a direksyon ti motorsiklo a minaneho ti menor de edad idin ta saan a nakontrol ti drayber ti manibela ti luganna ket naidungpar iti kayo ti narra iti akin laud a paset ti highway.

Gapu dayta, nagsagaba iti nakaro a dunor ti drayber a naipaagas iti ospital para ti pannakatamingna ngem naideklarar a dead on arrival.