--Ads--
VIGAN CITY – Natay iti aksidente idiay Don Dimas Querubin, Caoayan ti maysa a menor de edad a taga-Don Alejandro Quirolgico idinto a nadundunor ti kinalubbonna.
Nabigbig ti biktima a ni Emmanuel Rassel Albalos, agtawen iti sangapulo ket pito idinto a ti kinalubbonna ket ni ni Jonas Nolasco, agtawen iti limapulo ket uppat a taga-Don Lorenzo.
Napaspas ti panagpataray ti biktima iti motorsiklona nga agpa-amianan a direksion idin ta saanna a nakontrol ti manibela ti luganna idi nasabetna ti agpakannigid a Mobile Patrol Car ti Caoayan Police Station.
Gapu ti dayta, nag-slide dagiti biktima iti kalsada a rason ti nakasagrapanda iti nakaro a dunor nga insigidada met a naipaagas iti ospital ngem saanen a nakalasat ti drayber ti motorsiklo.
-- ADVERTISEMENT --
