Menor de edad, nalmes iti karayan iti ili ti Tagudin

VIGAN CITY – Nalmes idiay Amburayan River, Barangay Bio, Tagudin ti maysa a menor de edad a ni Trisha Mae Garcia Alano, agtawen iti sangapulo ket tallo, 2^nd year high school a taga-Barangay Cabugbugan, iti nasao nga ili.

Agpi-picnic-da a sangapamilia idin ta timmapog ti biktima iti karayan ket gapu ti napegges a danum, naipan ti biktima iti mapatta-patta a sangapulo ket dua a kadapan ti kaadalemna a paset ti karayan nga isu ti nakalmesanna.

Pinadas dagiti miembro ti pamiliana nga isalakan ti biktima ken nagpaarayatda iti MDRRMC Tagudin, ngem saan a nasarakan ken nairescue nga insigida gapu ti nalibeg a danum.

Kalpasan ti sumagmamano a minutos ket nasarakan met laeng ti biktima a naitaray iti ospital ngem naideklarar a dead on arrival.