VIGAN CITY – Nalmes idiay Barangay Lipay, Urzadan, Suyo ni Rodney Deng-ay, agtawen iti sangapulo ket lima a taga-Loo, Buguias, Benguet.
Aglanglangoy ti biktima kadua ti pamiliana idiay Chico river idin ta ginuyod ti napigsa a koriente ti danum ti biktima a mapan iti adalem.
Segun ken ni PLt. Giron Ancheta, napanda a sangkapamiliaan iti nsao a barangay ta adda kabagyanda nga agkasar ket nagyanda iti maysa a resort nga asideg iti karayan.
Napagtutulaganda ti mapan agdidigos ngem binallaagan ida ti caretaker ken akinkukua nga addan dagiti nalnalmes iti nasao a karayan.
Nupay kasta, intuloyda latta ti nagdigos ket saanda a ninamnama iti napigsa a water current a nangguyod iti biktima a puon ti nakalmesanna.
Pinadas nga insalakan dagiti kabagyanna ti biktima ngem awanen puotna idi maalada ket naipaagas met iti Ilocos Sur District Hospital, Bio, Tagudin ngem naideklarar a dead on arrival.