--Ads--
VIGAN CITY – Maysa a menor de edad nga agtawen ti sangapulo ket pito ti naideklara a dead on arrival ti ospital ta nakuryente idiay Brgy. Bagani Ubbog, Candon City.
Nabigbig ti biktima a ni Rafael Gabor Pascua agnaed ti Brgy. San Nicolas ti nasao a siudad.
Segun ti Candon City Police Station, nakalugan ti reaper ti biktima a minaneho ni Roland Tejada Garcia nga agpapadaya a direksyon ti nasao a barangay ket nasagid ti biktima ti live wire a puon iti pannakakuryentena.
Naipan ti Candon City Hospital ni Pascua para iti pannakataming na ngem naideklara a dead on arrival babaen ti attending physicianna.
-- ADVERTISEMENT --
