VIGAN CITY – Dead on Arrival ti maysa a menor de edad nga agtawen ti sangapulo ket lima a taga-Tamag, Vigan City ta nasarakan a nagbekkel.
Maibasar iti inisyal nga imbestigasyon dagiti pannakabagi ti linteg, nagsarita ti biktima a Grade 8 student iti UNP ken inana idi June 24 iti oras ti alas syete baente iti rabii iti 4th floor iti pagtaenganda inaig iti module ti biktima ngem kalpasanna ket bimmaba ti biktima ti i1st floor nga ayan ti kuartona.
Iti alas syete singkwenta iti rabii iti isu met laeng nga aldaw ket napan ti inana iti ayanna ngem nakalock isu a napan nangala iti duplicate iti tulbek ket idi nalukatada, nasarakandan a nakabitin ti biktima babaen iti barikesna.
Naipan pay laeng iti Metro Vigan Hospital ti biktima ngem saanen a naisalbar.
