--Ads--
Maysa a menor de edad ti nadungpar iti utility vehicle iti national highway idiay Barangay Bacsil, San Juan, Ilocos Sur.
Ti drayber ti white Kia Utility Vehicle ket negosiante nga agtawen iti limapulo ket uppat, taga-Barangay 7 Surgui Paoay, Ilocos Norte.
Ti met pedestrian ket agtawen iti sangapulo ket uppat, taga-Barangay Guimod Sur, San Juan.
Maibasar iti CCTV footage, dimsaag ti menor de edad manipud iti utility bus ket idi bumallasiw iti national highway, saanna a nadlaw ti sumungad a utility vehicle ket nadungpar ken naipurwak iti sumagmamano a metro ti kaadayona.
-- ADVERTISEMENT --
Nagsagaba iti nakaro a dunor iti ulo ken natukkol ti kannigid a takyag ti menor de edad idinto a saan a naan-ano ti drayber ti utility vehicle.
