--Ads--
VIGAN CITY – Nadunor ti nadumaduma a paset ti bagi ti maysa nga ubing a lima ti tawenna a taga-Barangay Patac West, Galimuyod gapu ti pannakadungparna iti motorsiklo idiay Galimuyod-Salcedo Provincial Road.
Ti motorsiklo ket minaneho ni Jonathan Gadingan, agtawen iti duapulo ket lima, taga-Barangay Amguid, Candon.
Agpapalaud a direksyon ti motorsiklo idin ta timmaray a nagpa-amianan ti ubing ket aksidente a nadungpar isuna ti motorsiklo.
Naipaagas iti Candon City Hospital ti ubing para ti naan-anay a pannakatamingna idinto a ti drayber ti motorsiklo ket saan a naan-ano.
-- ADVERTISEMENT --
