Menor de edad, nadungpar iti motorsiklo iti ili ti Cabugao

VIGAN CITY – Maysa a menor de edad ti nadungpar ti maysa a motorsiklo idiay Barangay Daclapan, Cabugao.

Nabigbig ti biktima a ni Erica Mae Quinto Sadac, agtawen iti pito, grade 2, anakda Jaylord Sadac nga agnaed iti nasao a lugar idinto a ti nagmaneho iti motorsiklo ket ni Mark Jayson Quinto, agtawen iti tallopulo, awanan iti driver’s license.

Iti imbestigasyon, agpapadaya a direksyon ti motorsiklo idin ta nadungparna ti bimmallasiw ti biktima a naggapu iti akin-kannawan a paset ti kalsada.

Gapu dayta, head injury ken dunor iti nadumaduma a paset ti sinagaba ti menor de edad a biktima.

Inkalintegan ti drayber a pinadasna a liklikan ti bitima  ta nagpreno pay ngem saan a nagballigi.