Menor de edad, naaksidente iti ili ti Sta. Maria

VIGAN CITY – Naipaagas iti ospital ti maysa a menor de edad a nagmaneho iti motorsiklo gapu ti pannaka-aksidentena iti national highway idiay Barangay Suso, Sta. Maria.

Ti menor de edad ket maysa nga a grade 9 student a taga-Barangay Cabaroan, Sta. Maria ket awanan iti driver’s license ken saan a nagaramat iti helmet.

Agpapa-abagatan a direksyon ti motorsiklo idin ta ti mapapati a nabartek a drayber ket saanna a nakontrol ti manibela ti luganna ket naidungpar iti solar light post.

Gapu dayta, nagsagaba ti drayber iti dunor ti nadumaduma a paset ti bagina ket naipaagas para ti pannakatamingda.