--Ads--
VIGAN CITY – Saan a mapalubosan a sumrek iti Kannawidan Trade and Food Fair 2021 iti Kannawidan grounds, Tamag, Vigan City dagiti ubbing a nababbaba iti tawenna a sangapulo ket lima ken dagiti senior citizen.
Malaksid ti dayta, dagiti saan a nakaface mask ken awan iti Safepass-na ket saan met laeng a mapastrek kas panangsalwad iti salun-at ti tunggal maysa iti baet ti Covid-19 pandemic.
Nupay kasta, ita nga aldaw oras iti alas nuebe ti bigat, maaramid ti Ribbon cutting Kannawidan Trade Fair kas pormal a pananglukat iti selebrasyon ti maika-203 a selebrasyon ti Kannawidan Festival ti Ilocos Sur.
Kabayatanna, agtultuloy iti panagpalagip iti provincial government iti panagan-annad tapno saan nga agwaras iti covid-19.
-- ADVERTISEMENT --
