VIGAN CITY – Naipaagas iti ospital ti maysa a menor de edad a taga-Barangay Sumagui, Sta. Maria gapu ti pannakatinnagna manipud iti naglugananna a traysikel idiay Barangay Tangaoan, Sta. Maria.
Ti traysikel ket minaneho ni Franklin Antolin, agtawen iti uppat a pulo ket walo, STL collector a taga-Barangay Dunglayan iti nasao nga ili.
Sakbay ti pasamak, agur-uray ti paglugananda ti biktima ken ti maysa pay a kaduana idin ta inlugan ida ti nasao a traysikel a mapan iti ili.
Iti pannakiuman ti Bombo Radyo Vigan ken ni P/Capt. Joel Dasargo iti Sta Mara Police Station, saan a nakakapet ti biktima idi insikko ti drayber ti luganna tapno sublinan ti nabati na a patayana ket saan a nasiputan a natnag ken naitupa iti ulo ti menor de edad iti kalsada.
Gapu dayta, nagsagaba iti dunor ti nadumaduma a paset ti bagi ti menor de edad.
