VIGAN CITY- Agtalinaed pay laeng iti kustodiya ti Caoayan municipal police station ti menor de edad nga agtawen iti sangapulo ket pito a nangbagkong iti mamin-dua pulo ket dua a daras iti kabsat ti apong na a baket nga agtawen iti walo pulo a ni Magdalena Cuyo idiay Anonang Menor idi March 25.
Nagdesisyon iti pamilya ti suspek, nangruna dagiti nagannak na, nga agtalinaed pay laeng iti kustodiya dagiti pulis ti suspek kabayatan a maiyur-uray iti resolusyon nga iruwar ti korte inaig ti kaso a murder a naipila kontra kenkuana.
Immunan a nagdesisyon ti Municipal Social Welfare and Development Office ti ili ti Caoayan a maipan iti Bahay Pag-asa ti suspek para iti proseso iti rehabilitasyon ngem ti korte latta iti agdesisyon inaig iti nasao a banag.
Kabayatanna, saanen a nagipila ti waiver ti suspek inaig iti kaso a naipila kontra kenkuana tapnu naparpartak iti pannakasolbar iti kaso na.
