VIGAN CITY – Agtaltalinaed pay laeng iti ospital para iti naan-anay a pannakatamingna ti maysa a menor de edad nga agtawen ti sangapulo ket lima a nakoriente idiay Brgy. Manzante, Magsingal idi kalman, December 19.
Ti pannaki-uman ti Bombo Radyo Vigan ken ni Police Captian Mark Lagman, hepe ti Magsingal municipal police station, immuli ti biktima iti poon ti mangga ta mangala kuma iti kanen na ngem idi nakadanun iti tuktok a nakaisab-itan ti live wire a naabbungan iti bulong ket nakuryente ta mapapati nga adda leakage ti nasao a wire.
Agsipud iti dayta, nagsagaba iti nakaro a dunor iti naduma-duma a paset iti bagi na ti biktima a naitaray idiay Ilocos Sur District Hospital- Magsingal ngem naiyalis idiay Ilocos Sur Provincial Hospital Gabriela Silang.
Mainaig dayta, kiniddaw ti hepe kadagiti nagannak a bantayan da a naimbag dagiti menor de edad nga annak da tapnu saanen a maulit iti napasamak.
