--Ads--
Natay bayat ti pannakatamingna ti menor de edad a nagmaneho iti motorsiklo gapu iti aksidente iti barangay road idiay Barangay Maas-asin, Magsingal, Ilocos Sur.
Ti drayber ket agnaed iti nasao nga ili, minanehona ti Suzuki Raider 150 a motorsiklo.
Iti pannaki-uman ti Bombo Radyo Vigan ken ni PLT. Richard Pajo, OIC iti Magsingal Police Station, napaspas nga agpapadaya ti motorsiklo ket idi nagteng ti nakapasamakan ti insidente, naawanan ti kontrol ti drayber iti manibela ti luganna ket naidungpar iti Euro Samurai 155 a motorsiklo a naiparking iti igid ti kalsada.
Awan ti suot a helmet ti drayber idi mapasamak ti aksidente.
-- ADVERTISEMENT --
Gapu dayta, nadunor ti ulona ket naitaray iti ospital ngem saanen a nakalasat.
