Natay ti maysa a menor de edad gapu iti aksidente a napasamak iti national highway ti Barangay Suso, Sta. Maria, Ilocos Sur a nakairamanan ti maysa a motorsiklo ken SUV.
Ti drayber iti Suzuki Smash motorcycle ket agtawen iti sangapulo ket lima, grade 10 student, ken ti natay a kinalubbonna ket menor de edad met laeng, agpadada a taga-Barangay Cadacad, Burgos, iti nasao nga ili.
Ti met Mitsubishi Adventure ket minaneho ni Cristopher Quemi Cadano, agtawen iti duapulo ket dua, taga-Barangay Bulanos, Narvacan, inluganna da Rio Jaina Lazo Banavidez, agtawen iti duapulo ket dua, taga-Barangay Abuor, Narvacan.
Maibasar iti CCTV footage, agpada nga agpapa-amianan dagiti dua a lugan a ti motorsiklo ket adda iti akin-kannawan a shoulder lane idin ta imbumbuntogna ti nagpataray tapno agsikko ngem natukbob daytoy ti SUV.
Napilidan ti SUV ti drayber ken ti backrider ti motorsiklo, idin ta maysa pay a saan a nabigbig nga SUV nga adda met laeng iti likudan ti SUV a minaneho ni Cadano ti nangpilid iti drayber ken backride ti motorsiklo.
Gapu dayta, nagsagaba iti nakaro a dunor dagiti nagkalubbon a naitaray iti ospital para iti pannakatamingna ngem dead on arrival ti backrider.
Saan met a naan-ano dagiti naglugan iti SUV.
