--Ads--
VIGAN CITY – Agsusukot a violation iti naipan ti ticket iti maysa a menor de edad a naglabsing iti paglintegan ti kalsada idiay ili ti Magsingal.
Iti pannaki-uman ti Bombo Radyo Vigan ken ni PDRRMC Officer Michael Chan, agtawen iti sangapulo ket pito ti driver ti Yamaha Mio a motor a kinamat ti Task Force Bantay Kalsada ti Highway a sakupen ti nasao nga ili.
Simple a paglintegan laeng ti linabsing ti driver ta awan iti side mirror iti motorsiklona ken tallo a grupo iti nangpara kenkuana ngem saan a agsardeng isu a napilitan ti Task Force a kamaten ti driver ta pinatarayna a permi ti luganna.
Kiniddaw ni Chan kadagiti umili nga agsardeng no adda iti checkpoint ti kalsada ken saanda a gandaten nga aglibas.
-- ADVERTISEMENT --