--Ads--
Inlawlawag ti Malakanyang a fake news ti agwarwaras a memorandum a mangibilbilin iti panangpapigsa ti operasyon tapnon maingato ti rating ti Marcos administration ken ti pannakaisingasing a maikkat ni House Speaker Ferdinand Martin Romualdez iti puesto.
Segun ken ni Atty. Claire Castro, pannakangiwat ti Malakanyang, ti memorandum ket peke a dokumento isu a binalakadanna ti publiko a kitaen a nalaing ken saan a mamati lattan kadagiti palso a damag.
Ti agwarwaras a memorandum ket ti mapapati a pinermaan ni Executive Secretary Lucas Bersamin.
Balakad ni Castro uti publiko a saan nga ikkan importansia dagiti peke a damag ken dokumento, ken agannad kadagiti saan nga husto nga impormasyon a mabalin a mangalillaw iti asino man.
-- ADVERTISEMENT --
