Nakasaganan dagiti medical team ti Quezon City Health Department a maideploy iti maikatlo nga State of the Nation Address ni Presidente Ferdinand Marcos Jr inton July 22, Lunes.
Segun ken ni Dr. Tina Marie Sanchez-Lucilla ti QC Health Department, gagemda a tumulong kadagiti agkasapulan iti naan-anay a medical attention para kadagiti sumurot kadagiti rally.
Dagiti medical team ket aggapu kadagiti health staff ti QC run hospitals kas ti Maclang Hospital, Novaliches District Hospital, QC Hospital malaksid iti East Avenue Medical.
Balakad ti QC Health Office kadagiti sumurot kadagiti rally iti panawen ti SONA nga ugalienda ti agbalin nga hydrated tapno maliklikan ti panagulaw iti panawen ti aktibidad,
Adda pay dagiti dadduma a government agencies a tumulong iti Quezon City Police District ken QC-LGU tapno mapagtalinaed ti kinaurnos ken kappia iti panawen ti SONA.
