Mangideploy ti medical team iti 30 a miembro ken dagiti ambulansya iti kaaldawan ti State of the Nation Address (SONA) ni Pres. Ferdinand Marcos Jr. inton July 27.
Dayta iti pinasingkedan ni Dr. Jose Luis Bautista a hepe iti House Medical and Dental Service (MDS) maipanggep ti ar-aramidenda a panagsagana iti maika-5 a SONA ti presidente.
Segun ken ni Bautista, ti medical team ket kanayon a nakasagana para iti major contingencies.
Kinuna dagiti opisyal a dagiti medical personnels ket maideploy iti uneg ti main building kangrunaan iti session hall a pakaiayangkatan ti SONA ti presidente ken uray iti aglawlaw iti Batasang Pambansa complex.
Dagiti medical personnels ket agtaud iti St. Luke’s Medical Center, Diliman Doctors Hospital, Philippine Heart Center ken East Avenue Medical Center para iti emergency response iti SONA.
