VIGAN CITY – Maidiaya kadagiti walo nga ili iti probinsia ti libre a Medical/Surgical mission a mapasamak inton November 19.
Iti pannaki-uman ti Bombo Radyo Vigan ken ni Dr. Glenda Rabino, President iti CMED ALUMNI ASSOCIATION, ti programa ket kagiddan iti pannakaselebrar ti maika-duapulo ket lima nga anibersaryo ti programada iti University of Northern Philippines.
Naayaban amin a doktor manipud iti pagadalan a mangted serbisyo iti komunidad.
Inpakaammona a dagiti nagasat a makaala ti libre a treatment ket dagiti taga-ili ti Magsingal, Sto Domingo,San Ildefonso, San Vicente, Sta Catalina, Bantay, Caoayan ken siudad ti Vigan.
Dagiti kayatna a dumar-ay iti programa ket mapan laeng iti kaasikgan nga RHU iti lugar nga ayanda tapno mapakamoan nu ania nga oras ti schedule da.
Nadumaduma a programa ti idiayada ta adda dagiti libre a konsultasyon iti dental, ultrasound ken surgical idiay UNP hospital ken UNP Gymnasium.
