Mangidiaya ti Texas Unified Society of Thomasians ken Provincial Government of Ilocos Sur iti libre a medical, surgical ken dental mission idiay Ilocos Sur Provincial Hospital-Gabriela Silang inton bigat, June 20 ken agpatingga inton June 22, 2025.
Iti pannaki-uman ti Bombo Radyo Vigan ken ni Provincial Health Officer I Dr. Cholo Baquiran, dagiti serbisyo a maipaay ket ti libre a medical checkup, dental services, surgical ken cataract mission.
Inlawlawag ni Baquiran a ti cataract mission ket limitado laeng ti slot a maited.
Agingga ita ket adda ti nasurok 300 a bilang dagiti nagpalista para iti minor surgery, 40-50 iti major surgery ken 70-80 dagiti cataract patient.
Mairuarto ti schedule dagiti nadumaduma nga ili para iti nasao a medical/surgical mission.
Nagpalagip ti doktor kadagiti umili nga uray awan ti medical mission ket wayada ti mapan iti nasao nga ospital ta matamingda latta a libre.
