--Ads--
Impaganetget ti kampo ni dati a Presidente Rodrigo Duterte a biktima laeng isuna iti sensationalism manipud iti media ti Pilipinas, kagiddan ti maikatlo nga aldaw ti confirmation of charges hearing sa International Criminal Court (ICC).
Binabalaw ni Atty. Nicholas Kaufman, lead defense counsel ni Duterte, ti nagbalin a wagas ti panagipadamag iti pagilian.
Segun iti abogado, nagdusa ti kliyentena gapu ta nakairuamanen ti Philippine media a tumutok laeng kadagiti kontrobersia.
Inlawlawag ni Kaufman a ti kastoy a klase ti panagipadamag ket saan a mangipakita iti kompleto a konteksto dagiti sinarita ti dati a presidente, nga isu ti naaramat ita kontra kenkuana.
-- ADVERTISEMENT --
