VIGAN CITY – Duapulo ket uppat nga ili ken dua a siudad iti Ilocos Sur iti maidalan ti Modified Enhanced Community Quarantine (MECQ) kalpasan nga inruar ni Governor Ryan Singson ti Executive Order No. 109 a maipatungpal ita nga aldaw October 7 agingga inton October 21.
Sakupen ti MECQ ti siudad ti Vigan ken Candon, ili ti Banayoyo, Bantay, Burgos, Cabugao, Caoayan, Gregorio Del Pilar, Magsingal, Narvacan., Quirino, Salcedo, San Emilio, San Ildefonso, San Juan, San Vicente, Santa, Santiago, Sigay, Sinait, Sta Catalina, Sta Cruz, Sta Lucia, Sta Maria, Sto. Domingo ken Suyo.
Agtalinaed a maipatungpal iti health standard kas iti panagaramat iti facemask, face shield ken panagsurot maysa metro a distansya.
Maobserbar iti nainget a home quarantine idinto nga agtalianed kadagiti pagtaengan dagiti agtawen ti nababbaba ngem sangapulo ket walo, ken agtawen ti nangatngato ti innem a pulo ket lima.
Amin nga aggapo iti NCR Plus ken kadagiti high risk areas ket temporaryo a saan a mapalubusan nga agbaihe malaksid kadagiti essential travelers.
Kadagiti business establishment, maipatungpal ti alternative work idinto a dagiti dadduma nga empleyado ket mabalin nga agwork from home.
Sangapulo a porsiento iti kapasidad kadagiti religious gathering, limapulo a porsiento iti transportasyon a kas ti PUB,PUV, MPUJ, PUJ ken maipatungpal ti “No Face Mask, No Face Shield , No Ride Policy” idinto a iti tricycle ket maysa laeng a pasahero ti maipalubos a mailugan.
Nupay kasta, maiparit pay laeng nga ag-operate dagiti entertainment venues kas kadagiti live performers kadagiti karaoke bars, clubs, concert halls, theatres, Recreational venues kas kadagiti internet cafes, billiard halls, amusement parks, ken dadduma pay.
Maiparit iti Outdoor Sports a kasapulan ti makicontact iti sabali a tao, Indoor Sports, Casino, Horse Racing, Cockfighting, lottery ken betting shop, indoor visitor ken dagiti outdoor tourist attraction.
Amin nga establishiment nga aglukat ket mandato a mapagtalinaed ti hygiene practices ken masapol nga irequired-da ti logbooks kadagiti sumek.
Aginga laeng sangapulo ket dua nga oras ti mabalin nga oras a panaglako dagiti aglukat a negosyo ngem saan a mabalin a sumrek kadagiti malls wenno dagiti shopping centers dagiti agtawen sangapulo ket walo agpababa ken dagiti agtawen innem a pulo ket lima agpangato.
