VIGAN CITY – Nayatiddog iti Modified Enhanced Community Quarantine iti Vigan City agingga inton September 7, 2021 kas nakaisalinong ti Executive Order No.99 Series of 2021 iti Provincial Government iti Ilocos Sur.
Maipalagip nga idi August 9 a nangrugi iti MECQ iti siudad gapu iti immado a kaso ti covid-19 nga agpaut koma inton bigat August 23, 2021.
Gapu iti dayta ket nainget a maiynay-unay iti panangsurot iti minimum public health standards a kas ti panagaramat iti face mask, nainget a physical distancing ken kanayon a panagbuggo ti ima.
Immunan a nairuar ti pagannurutan idi August 8, 2021 iti pagannurutan a masurot kagiddan ti MECQ ti siudad pakairamananen ti panangobserbar iti nainget a home quarantine kadagiti amin a household ken tignay dagiti agindeg, agtalinaed iti pagtaengan dagiti agtawen ti sangapulo ket pito agpababa ken nangangato ngem innem a pulo ket lima, addaan ti immunodeficiency ken comorbidity, masikog ken dadduma pay nga addaan iti risgo ti salun-atna.
Dagiti laeng addaan iti Quarantine Pass wenno permit iti maka-access iti essential commodities wenno service iti barangayna wenno ili ti mapalubosan a sumrek iti siudad ngem maysa laeng a kameng ti pamilia iti maikkan.
Iti entry point ket iti Quezon Avenue (Govantes Dike), Barangay Pantay Daya, Barangay Tamag ken Brgy. Camanggaan idinto a ti exit point iti sabali nga ili ket iti Quirino Boulevard, Barangay Pantay Daya, Barangay Beddeng Laud ken Rizal Street.
Para met kadagiti agtrabtrabaho iti siudad ket masapul laeng nga ipakita iti company ID, certificate of Employment ken Worker’s Pass wenno pink ID.
Malimitaran iti tignay dagiti agindeg ta saan a mabalin ti mass gathering, agingga sangapulo a porsiento iti venue capacity iti religious gathering ken dagiti laeng kameng ti pamilia iti maipalubos a mapan kadagiti natayan.
Nu maipapan iti public transportation ket maipalubos iti backriding para kadagiti trabahador ken dadduma pay nga APORs para iti essential travel, kasta pay a maysa laeng iti maipalubos a pasahero iti traysikel idinto a limapulo a porsiento iti kapasidad iti PUV/PUB wenno PUJ ta rumbeng a sumurot iti minimum health standard dagiti pasahero, driver ken operators.
Kabayatanna, mangrugi ti curfew hour iti alas dies iti rabii agingag iti alas singko iti bigat.
