Umaboten iti 872,274 a metriko tonelada ti inangkat a karne ti Pilipinas manipud Enero agingga Hunyo, ngimmato iti 33 percent no ikumpara iti isu met laeng a panawen idi napan a tawen, segun iti Bureau of Animal Industry.
Kadakkelan a paset ti imported a baboy nga umabot iti 455,381 MT, nangatngato iti 11 percent, idinto a ngimmato pay ti chicken imports iti 291,497 MT ken beef imports nga umabot iti 95,769 MT.
Pinalawa ti administrasion ti import quota ti baboy babaen iti Executive Order 116 tapno makatulong iti pananglapped iti ingingina ti presiona.
Plano ti Department of Agriculture ti mangipatungpal iti price-based trigger system para iti nababbaba a taripa no lumabes iti nasurok-kumurang P430 kada kilo ti presio ti baboy iti uneg ti maysa a bulan.
Ti Brazil ti kangrunaan a pagang-angkatan iti imported a karne, sarunwen ti Amerika ken Australia.
