VIGAN CITY – Maysa nga Unexploded Ordnance Uxo iti nasarakan iti likod iti maysa a pagtaengan idiay Brgy. Quinarayan, Narvacan, Ilocos Sur.
Segun ti Narvacan Municipal Police Station, nasarakan ti nasao nga unexploded ordnance iti pagtaengan ni Angelita Damasco Narce, agtawe iti limapulo ket pito, naasawaan nga agnaed idiay Brgy. Quinarayan, Narvacan.
Manarimaan iti panagkali dagiti kameng ti Narvacan Christian Fellowship iti maysa a compost pit iti nasao a lugar idi nakitada ti nasao a banag a mapapati a projectile, 35mm, high explosive isu nga insigida nga impakaammo ni Narce kadagiti pannakabagi ti linteg.
Ti nasao a pagpabettak ket kontroladon ken nakordonanen iti nasao a lugar babaen kadagiti nagturong nga otoridad bayat a mayur-uray iti Explosive Ordnance Disposal wenno EOD.
